2024ஆம் கல்வியாண்டிற்கான தரம் 05 புலமைப்பரிசில் பரீட்சை பெறுபேறுகள் 23ஆம் திகதி கடந்த வியாழக்கிழமை வெளியாகியுள்ளன.
யாழ். புனித ஜோன் பொஸ்கோ வித்தியாலயத்தில் பரீட்சைக்கு தோற்றிய 216 மாணவர்களில் 135 பேர் வெட்டுப்புள்ளிக்கு மேல் பெற்றுக்கொண்டுள்ளதுடன் 215 மாணவர்கள் 70 புள்ளிகளுக்கு மேல் பெற்று சித்தியடைந்துள்ளனர்.
அத்துடன் வித்தியாலய மாணவனான செல்வன் ராகவன் அக்சத் அவர்கள் அதிகூடிய புள்ளியாக 185 புள்ளிகளை பெற்று மாவட்ட ரீதியில் இரண்டாம் இடத்தைப் பெற்றுக்கொண்டுள்ளமை இங்கு குறிப்பிடத்தக்கது.
