யாழ். மறைமாவட்ட புனித ஜோசப்வாஸ் இறையியில் கல்லூரியில் 2025ஆம் கல்வியாண்டிற்கான விண்ணப்பங்கள் கோரப்பட்டுள்ளன. விண்ணப்பபடிவங்களை யாழ். பற்றிக்ஸ் வீதியில் அமைந்துள்ள அகவொளி குடும்பநல நிலையத்தில் இயங்கும் புனித ஜோசப்வாஸ் இறையியில் கல்லூரியில் நேரடியாகவோ அல்லது பங்குத்தந்தையர்கள் ஊடாகவோ பெற்றுக்கொள்ள முடியும்.
கா.பொ.த உயர்தரத்தில் சித்தியடைந்த மாணவர்கள் இக்கற்கைநெறிக்கு விண்ணப்பிக்க முடியுமெனவும் பூர்த்தி செய்யப்பட்ட விண்ணப்ப படிவங்களை பங்குத்தந்தையின் சிபாரிசு கடிதம், கா.பொ.த சாதாரண மற்றும் உயர்தர பரீட்சை பெறுபேறு பத்திரங்களின் போட்டோ பிரதியுடன் இணைத்து இவ்வருட இறுதிக்குள் சமர்ப்பிக்க வேண்டுமெனவும் கல்லூரி அதிபர் அருட்தந்தை டேவிட் அவர்கள் கேட்டுக்கொண்டுள்ளார்.
இக்கல்லூரி திருப்பீடத்தின் ஊர்பானியானா பல்கலைக்கழகத்துடன் இணைக்கப்பட்டுள்ளதால் இங்கு வழங்கப்படும் கிறிஸ்தவக் கற்கைகள் இளமாணிப்பட்டம் மேற்படிப்புகளை தொடர்வதற்கும் தொழில்வாய்ப்புக்களை பெறுவதற்கும் வழிவகுக்கும் என்பது இங்கு குறிப்பிடத்தக்கது.
