யாழ். புனித பத்திரிசியார் கல்லூரியில் முன்னெடுக்கப்பட்ட ஒளிவிழா கடந்த 22ஆம் திகதி வெள்ளிக்கிழமை கல்லூரி மத்தியுஸ் மண்டபத்தில் நடைபெற்றது.
அதிபர் அருட்தந்தை திருமகன் அவர்களின் ஒழுங்குபடுத்தலில் நடைபெற்ற இந்நிகழ்வில் கலைநிகழ்வுகளும், ஒளிவிழா போட்டிகளில் வெற்றிபெற்ற மாணவர்களுக்கான பரிசளிப்பும், மாணவர்களின் ஆக்கங்களை தாங்கிய ‘உதரக்கனி இயேசு’ என்னும் நூல் வெளியீடும் இடம்பெற்றன.
இந்நிகழ்வில் அமலமரித்தியாகிகள் சபை அருட்தந்தை சத்தியசீலன் அவர்கள் பிரதம விருந்தினராக கலந்து சிறப்பித்தார்.
அத்துடன் கல்லூரியில் முன்னெடுக்கப்பட்ட பெற்றோர் தின நிகழ்வும் கடந்த 21ஆம் திகதி வியாழக்கிழமை அங்கு நடைபெற்றது.
இந்நிகழ்வில் சிறார்களின் கலைநிகழ்வுகள் இடம்பெற்றதுடன் சிறப்பு நிகழ்வாக யாழ். கல்வி வலய ஆசிரிய ஆலோசகர் திரு. யோண்சன் ராஜ்குமார் அவர்களின் எழுத்துருவாக்கத்தில் யாழ். பல்கலைக்கழக நடனத்துறை வரவு விரிவுரையாளர் திரு. அன்று யூலியஸ் அவர்களின் நெறியாள்கையில் உருவான “வீரன் தாவீதன்” வடமோடிக்கூத்தும் தரம் 05 மாணவர்களால் மேடையேற்றப்பட்டது.
