மானிப்பாய் திருக்குடும்ப கன்னியர் மடம் ஆரம்பிக்கப்பட்டதன் 75வது ஆண்டு பவளவிழா நிகழ்வு கடந்த 11ஆம் திகதி திங்கட்கிழமை அங்கு நடைபெற்றது.
மட அருட்சகோதரிகளின் ஒழுங்குபடுத்தலில் நடைபெற்ற இந்நிகழ்வில் மானிப்பாய் பங்குத்தந்தை அருட்தந்தை றெக்ஸ் சவுந்தரா அவர்கள் கலந்து மட சிற்றாலயத்தில் நன்றித்திருப்பலி ஒப்புக்கொடுத்தார். தொடர்ந்து திருக்குடும்ப சிறுவர்கள், இளையோர், பொதுநிலை அங்கத்தவர்களின் கலைநிகழ்வுகள் இடம்பெற்றன.
இந்நிகழ்வில் திருக்குடும்ப கன்னியர் மட யாழ். மாகாண முதல்வி அருட்சகோதரி அனற் தியோபின் குரூஸ் அவர்கள் பிரதம விருந்தினராக கலந்து சிறப்பித்துடன் உரோமிலுள்ள சபைத்தவைலி அருட்சகோதரி அனா மரியா அவர்களின் வாழ்த்துச் செய்தியையும் வாசித்தார்.
சபையின் மாகாண பொருளாளர் அருட்சகோதரி மறிஸ்ரெலா சூசைப்பிள்ளை, ஆலோசக அருட்சகோதரிகள் மெற்றில்டா வசந்தி பிரான்சிஸ், அன்ரனீற்றா மார்க், விஜயா ஜோசப், புறோத்மேரி மரியானந்தம், சபை அருட்சகோதரிகள், நல்லாயன் சபை அருட்சகோதரிகள், திருக்குடும்ப பிள்ளைகள், இளையோர், பொதுநிலை அங்கத்தவர்கள், பங்கு மக்கள், பாடசாலை சமூகத்தினரென பலரும் இந்நிகழ்வில் கலந்துகொண்டனர்.
