முழங்காவில் பங்கிலுள்ள மாணவர்களுக்கான ஒருநாள் கருத்தரங்கு கடந்த பெப்ரவரி மாதம் 24 ஆம் திகதி நாகபடுவான் புனித வேளாங்கன்னி அன்னை ஆலயத்தில் இடம்பெற்றது. இக்கருத்தரங்கில் கற்றல் பற்றிய விழிப்புணர்வு கருத்துரைகளும் விளையாட்டு நிகழ்வுகளும் இடம்பெற்றன.
அளம்பில் பங்கில் முன்னெடுக்கப்பட்ட மாணவர்களுக்கான பசாம் பாடல் போட்டி 17ஆம் திகதி அளம்பில் புனித அந்தோனியார் ஆலயத்தில் இடம்பெற்றது.
இளவாலை றோமன் கத்தோலிக்க தமிழ் ஆண்கள் ஆரம்ப பாடசாலையின் பாடசாலை தினம் 19 ஆம் திகதி சனிக்கிழமை சிறப்பிக்கப்பட்டது.
இளவாலை மறைக்கோட்டத்தின் அன்பிய செயற்குழு உறுப்பினர்கள் மற்றும் வளவாளர்களுக்கான கருத்தமர்வு 13ஆம் திகதி கடந்த ஞாயிற்றுக்கிழமை பெரியவிளான் புனித யுவானியார் ஆலயத்தில் மறைக்கோட்ட அன்பிய இயக்குனர் அருட்திரு லியோ ஆம்ஸ்ரோங் அவர்களின் தலைமையில் இடம்பெற்றுது.
யாழ் மறைமாவட்டத்தின் தீவக மறைக்கோட்ட இளையோர் ஓன்றியத்தினரால் முன்னெடுக்கப்பட்ட தவக்கால யாத்திரை 13ஆம் திகதி கடந்த ஞாயிற்றுக்கிழமை இடம்பெற்றது.
