மட்டக்களப்பு சொறிக்கல்முனை ஹோலிகுரோஸ் மகாவித்தியாலயத்தில் முன்னெடுக்கப்பட்ட ஒளிவிழா கடந்த 20ஆம் புதன்கிழமை அங்கு நடைபெற்றது.
பாடசாலை அதிபர் அருட்சகோதரி சிறியபுஸ்பம் அவர்களின் தலைமையில் இடம்பெற்ற இந்நிகழ்வில் மாணவர்களின் கலைநிகழ்வுகளுடன் புலமைப்பரிசில் பரீட்சையில் சித்தியடைந்த மாணவர்கள், இணைபாடவிதான செயற்பாடுகளில் மாகாணமட்ட போட்டிகளில் வெற்றிபெற்ற மாணவர்கள் பல்கலைக்கழகம் மற்றும் கல்வியியற் கல்லூரிக்கு தெரிவான மாணவர்கள் ஆகியோருக்கான பரிசளிப்பும் ஆசிரியர்களுக்கான கௌரவிப்புக்களும் நடைபெற்றன.
பாடசாலை போசகரும் மட்டக்களப்பு மறைமாவட்ட ஓய்வுநிலை ஆயருமான பேரருட்தந்தை ஜோசப் பொன்னையா அவர்கள் கலந்து சிறப்பித்த இந்நிகழ்வில் வலயக்கல்வி பணிப்பாளர் திரு. மகேந்திரகுமார் அவர்கள் பிரதம விருந்தினராகவும் சொறிக்கல்முனை பங்குத்தந்தை அருட்தந்தை ஜீனோ சுலக்சன் அவர்கள் கௌரவ விருந்தினராகவும் வீரச்சோலை தமிழ் கலவன் பாடசாலை அதிபர் திரு. சுதர்சன் மற்றும் அருட்சகோதரி பவித்ரா, ஆகியோர் சிறப்பு விருந்தினர்களாகவும் கலந்துகொண்டனர்.
