தர்மபுரம் பங்கில் முன்னெடுக்கப்பட்ட வணக்கமாத சிறப்பு செபமாலை பவனி கடந்த 03ஆம் திகதி ஞாயிற்றுக்கிழமை நடைபெற்றது.
பங்குத்தந்தை அருட்தந்தை நிக்ஸன் கொலின் அவர்களின் ஒழுங்குபடுத்தலில் நடைபெற்ற இப்பவனி தர்மபுரம் புனித சவேரியார் ஆலயத்தில் ஆரம்பமாகி விசுவமடு புனித இராயப்பர் ஆலயத்தை சென்றடைந்து அங்கு இடம்பெற்ற திருப்பலியுடன் நிறைவடைந்தது.
திருப்பலி நிறைவில் அன்னையின் திருச்சொருப ஆசீர் இடம்பெற்றது. இப்பவனியில் மரியன்னையின் வேடம்தரித்த சிறார்களுடன் இணைந்து 250ற்கும் அதிகமான மக்கள் பக்தியுடன் பங்குபற்றியிருந்தனர்.
