யாழ். புனித பத்திரிசியார் கல்லூரியின் ஆரம்பபிரிவு மாணவர்களுக்கான பரிசளிப்பு மற்றும் பெற்றோர் தின நிகழ்வுகள் 09ஆம் திகதி கடந்த சனிக்கிழமை மத்தியுஸ் மண்டபத்தில் நடைபெற்றது.
பாடசாலை அதிபர் அருட்தந்தை திருமகன் அவர்களின் தலைமையில் இடம்பெற்ற இந்நிகழ்வில் 2023ஆம் கல்வி ஆண்டில் கல்வி மற்றும் இணைபாடவிதான செயற்பாடுகளில் சிறப்பு சித்தி மற்றும் புலமைப்பரிசில் பரீட்சையில் சித்தியடைந்த மாணவர்களுக்கான பரிசில்கள் வழங்கிவைக்கப்பட்டதுடன் கலைநிகழ்வுகளும் இடம்பெற்றன.
யாழ். மாவட்ட மேலதிக அரசாங்க அதிபரும் சாரணர் ஆணையாளருமான திரு. பிரதீபன் அவர்கள் பிரதம விருந்தினராகவும் யாழ்ப்பாண வலய ஆரம்ப பிரிவு உதவி கல்வி பணிப்பாளர் திரு. சசிகுமார் அவர்கள் கௌரவ விருந்தினராகவும் யாழ். கல்வி வலய சேவைக்கால தமிழ் பாட ஆலோசகர் திருமதி ரஜனி பிரதீபன் அவர்கள் சிறப்பு விருந்தினராகவும் கலந்து சிறப்பித்த இந்நிகழ்வில் அருட்தந்தையர்கள், அருட்சகோதரிகள், பெற்றோர்கள், பழைய மாணவர்களென பலரும் கலந்து சிறப்பித்தனர்.
