யாழ். புனித சாள்ஸ் மகாவித்தியாலயத்தில் முன்னெடுக்கப்பட்ட ஒளிவிழா கடந்த 12ஆம் திகதி செவ்வாய்க்கிழமை நடைபெற்றது.
வித்தியாலய அதிபர் திரு. லெனின்குமார் அவர்களின் ஒழுங்குபடுத்தலில் நடைபெற்ற இந்நிகழ்வில் யாழ். புனித மரியன்னை பேராலயத்தில் திருப்பலியும் தொடர்ந்து பாடசாலை மண்டபத்தில் அரங்க நிகழ்வுகளும் இடம்பெற்றன.
திருப்பலியை பேராலய உதவி பங்குத்தந்தை அருட்தந்தை கமல்ராஜ் அவர்கள் தலைமைதாங்கி ஒப்புக்கொடுத்துடன் பாடசாலை மண்டபத்தில் நடைபெற்ற கலைநிகழ்வில் அமலமரித்தியாகிகள் சபையை சேர்ந்த யாழ். பல்கலைக்கழக வரவு விரிவுரையாளரும் அமலமரித்தியாகிகள் உயர்கல்வி நிலைய இயக்குநருமான அருட்தந்தை ஜீவேந்திரா போல் அவர்கள் பிரதம விருந்தினராகவும் யாழ். கல்வி வலய சேவைக்கால ஆசிரிய ஆலோசகர் திருமதி. மரியநாயகம் அவர்கள் சிறப்பு விருந்தினராகவும் கலந்துகொண்டனர்.
அரங்க நிகழ்வுகளில் பாடசாலை மாணவர்களின் கலைநிகழ்வுகள் இடம்பெற்றதுடன் ஒளிவிழாவை முன்னிட்டு நடாத்தப்பட்ட போட்டிகளில் வெற்றிபெற்ற மாணவர்களுக்கான பரிசில்களும் வழங்கிவைக்கப்பட்டன.
