முல்லைத்தீவு மறைக்கோட்ட மேய்ப்புப்பணி பேரவை கூட்டம் கடந்த 16ஆம் திகதி சனிக்கிழமை புதுக்குடியிருப்பு புனித சூசையப்பர் ஆண்கள் விடுதியில் மறைக்கோட்ட முதல்வர் அருட்தந்தை அன்ரனிப்பிள்ளை அவர்களின் தலைமையில் நடைபெற்றது.
இக்கூட்டத்தில் யாழ். மறைமாவட்ட குருமுதல்வர் அருட்தந்தை ஜெபரட்ணம் அவர்கள் கலந்து 2025 திருஅவையின் யூபிலி ஆண்டு மற்றும் சுற்றுச்சூழல் பாதுகாப்பு சிறு குழுமங்களை உருவாக்குதல் தொடர்பாக விளக்கவுரை வழங்கினார். தொடர்ந்து மறைமாவட்ட குருக்கள் ஒன்றிய தலைவரும் யாழ். புனித அடைக்கல அன்னை ஆலய பங்குத்தந்தையுமான அருட்தந்தை ஆனந்தகுமார் அவர்கள் கலந்து மேய்ப்புப்பணி பேரவை தொடர்பாக கருத்துரையாற்றியதுடன் பேரவையின் புதிய நிர்வாகத்தெரிவும் இடம்பெற்றது.
இந்நிகழ்வில் அருட்தந்தையர்கள், அருட்சகோதரிகள் பங்கு பிரதிநிதிகளென 75ற்கும் அதிகமானோர் பங்குபற்றியிருந்தனர்.
