தமிழ் மக்களின் உரிமைப்போராட்டத்தில் தங்களை அர்ப்பணித்து தமது உயிர்களை தியாகம்செய்த மாவீரர்களை நினைவுகூர்ந்து கார்த்திகை 27ஆம் திகதி நடைபெறும் மாவீரர்நாள் நிகழ்வுகள் தமிழர் தாயகம் மற்றும் புலம்பெயர் தேசங்களெங்கும்; மிகவும் உணர்வுபூர்வமான முறையில் அனுஸ்டிக்கப்பட்டிருந்தது.
தமிழர் தாயகமெங்கும் கொட்டும் மழைக்கு மத்தியிலும் பிரத்தியேகமாக அமைக்கப்பட்ட பல இடங்களிலும் நடைபெற்ற மாவீரர்நாள் நிகழ்வுகளில் பல்லாயிரக்கணக்கான மக்கள் ஒன்றுகூடி விடுதலைப் போராட்டத்தில் களமாடி வீரச்சாவை தழுவிக்கொண்ட 50ஆயிரத்திற்கும் அதிகமான மாவீரர்களின் தியாகங்களை நினைவுகூர்ந்து சுடரேற்றி அஞ்சலி செலுத்தினார்கள்.
இந்நிகழ்வுகளில் ஏராளமான குருக்கள் துறவிகள் அருட்சகோதரிகளும் கலந்துகொண்டனர்.
