மானிப்பாய் புனித அன்னாள் றோ.க.த.க பாடசாலையில் முன்னெடுக்கப்பட்ட ஒளிவிழா கடந்த 20ஆம் திகதி புதன்கிழமை நடைபெற்றது.
பாடசாலை அதிபர் அருட்சகோதரி நீற்றா அந்தோனிப்பிள்ளை அவர்களின் தலைமையில் நடைபெற்ற இந்நிகழ்வில் மானிப்பாய் புனித அன்னாள் ஆலயத்தில் திருப்பலியும் தொடர்ந்து பாடசாலை மண்டபத்தில் அரங்க நிகழ்வுகளும் நடைபெற்றன. இவ்அரங்க நிகழ்வில் மாணவர்களின் கலை நிகழ்வுகளும், 2022, 2023ஆம் ஆண்டுகளில் நடைபெற்ற கத்தோலிக்க திருமறைதேர்வில் சிறப்பு சித்திகளை பெற்ற மாணவர்களுக்கான கௌரவிப்புக்களும் ஒளிவிழா போட்டிகளில் வெற்றிபெற்ற மாணவர்களுக்கான பரிசளிப்பும் இடம்பெற்றன.
யாழ். மறைமாவட்ட மறைநதி கத்தோலிக்க ஊடகமைய இயக்குநர் அருட்தந்தை அன்ரன் ஸ்ரிபன் அவர்கள் பிரதம விருந்தினராகவும் வலிகாம கல்வி வலய ஆங்கிலபாட உதவிக்கல்வி பணிப்பாளர் திரு. அருளப்பு யூட்ஸ் கருணாகரன் அவர்கள் சிறப்பு விருந்தினராகவும் கலந்து இந்நிகழ்வை சிறப்பித்தனர்.
