முல்லைத்தீவு புதுக்குடியிருப்பு றோ.க வித்தியாலயத்தில் முன்னெடுக்கப்பட்ட ஒளிவிழா கடந்த 06ஆம் திகதி புதன்கிழமை நடைபெற்றது.
பாடசாலை அதிபர் அருட்தந்தை றொபின்சன் யோசப் அவர்களின் ஒழுங்குபடுத்தலில் நடைபெற்ற இந்நிகழ்வில் புதுக்குடியிருப்பு புனித சூசையப்பர் ஆலயத்தில் திருப்பலியும் தொடர்ந்து பாடசாலை மண்டபத்தில் அரங்க நிகழ்வுகளும் இடம்பெற்றன.
திருப்பலியை முல்லைத்தீவு மறைக்கோட்ட முதல்வர் அருட்தந்தை அன்ரனிப்பிள்ளை அவர்கள் தலைமைதாங்கி ஒப்புக்கொடுத்தார்.
அருட்தந்தை அன்ரனிப்பிள்ளை அவர்கள் பிரதம விருந்தினராகவும் அருட்சகோதரி ஹில்டா அவர்கள் சிறப்பு விருந்தினராகவும் கலந்து சிறப்பித்த அரங்க நிகழ்வில் அருட்சகோதரிகள், ஆசிரியர்கள், மாணவர்களென பலரும் கலந்துகொண்டனர்.
