யாழ். திருமறைக்கலாமன்றத்தின் ஏற்பாட்டில் மன்ற அங்கத்தவர்களுக்காக முன்னெடுக்கப்பட்ட கிறிஸ்மஸ் ஒன்றுகூடல் 29ஆம் திகதி கடந்த வெள்ளிக்கிழமை யாழ். பிரதான வீதியில் அமைந்துள்ள திருமறைக்கலாமன்ற கலைத்தூது கலையகத்தில் நடைபெற்றது.
மன்ற நிர்வாகசபை உறுப்பினர் திரு.யஸ்ரின் ஜெலூட் அவர்களின் தலைமையில் இடம்பெற்ற இந்நிகழ்வில் கிறிஸ்து பிறப்புவிழா செய்தியுடன் இணைந்து மகிழ்வூட்டும் விளையாட்டு நிகழ்வுகள் நடைபெற்றதுடன் கனடா திருமறைக்கலாமன்றத்தின் அனுசரணையில் பிள்ளைகளுக்கான கற்றல் உபகரணங்களும் வழங்கிவைக்கப்பட்டன.
நிர்வாக இயக்குனர் அருட்தந்தை ஜெறோ செல்வநாயகம், உதவி நிர்வாக இயக்குனர் அருட்தந்தை அன்ரன் ஸ்ரிபன் மற்றும் மன்ற உறுப்பினர்கள் பிள்ளைகளென 100ற்கும் அதிகமானோர் இந்நிகழ்வில் பங்குபற்றியிருந்தனர்.