கோப்பாய் ஆசிரியர் கலாசாலையில் முன்னெடுக்கப்பட்ட ஒளிவிழா கலாசாலை அதிபர் திரு. லலீசன் அவர்களின் தலைமையில் கடந்த 04ஆம் திகதி புதன்கிழமை றதிலக்ஸ்மி மண்டபத்தில் நடைபெற்றது.
கலாசாலை கிறிஸ்தவ மன்றத்தின் ஒழுங்குபடுத்தலில் நடைபெற்ற இந்நிகழ்வில் திருப்பலியும் தொடர்ந்து கலைநிகழ்வுகளும் ஒளிவிழா போட்டிகளில் வெற்றிபெற்ற ஆசிரிய மாணவர்களுக்கான பரிசளிப்பும் இடம்பெற்றன.
திருப்பலியை யாழ். மறைமாவட்ட மறைநதி கத்தோலிக்க ஊடகமைய இயக்குநர் அருட்தந்தை அன்ரன் ஸ்ரிபன் அவர்கள் தலைமைதாங்கி ஒப்புக்கொடுத்ததுடன் அரங்க நிகழ்வில் வட மாகாண கல்வி அமைச்சின் செயலாளர் திரு. பற்றிக் டிறஞ்சன் அவர்கள் பிரதம விருந்தினராகவும் யாழ்ப்பாண தேசிய கல்வியியல் கல்லூரி கிறிஸ்தவ பாட விரிவுரையாளர் திரு. அந்தோனிப்பிள்ளை ஜேம்ஸ் மெய்சான் அவர்கள் சிறப்பு விருந்தினராகவும் யாழ். மறைமாவட்ட மறைக்கல்வி நிலைய இயக்குனர் அருட்தந்தை டியூக் வின்சென்ட் அவர்கள் கௌரவ விருந்தினராகவும் கலந்துகொண்டனர்.
