திருச்சிலுவை கன்னியர் சபையை சேர்ந்த அருட்சகோதரி கிளேயா சுவானி அவர்களின் துறவற வார்த்தைப்பாட்டின் 50ஆம் ஆண்டு யூபிலி நிகழ்வு கடந்த 7ஆம் திகதி புதன்கிழமை வவுனியா இளமருதங்குளம் புனித கார்மேல் மாதா ஆலயத்தில் நடைபெற்றது.
ஓமந்தை பங்குத்தந்தை அருட்தந்தை அமல்றாஜ் அவர்களின் ஒழுங்குபடுத்தலில் நடைபெற்ற இந்நிகழ்வில் யாழ். மறைமாவட்ட குருமுதல்வர் அருட்தந்தை ஜெபரட்ணம் அவர்கள் தலைமைதாங்கி நன்றி திருப்பலி ஒப்புக்கொடுத்தார்.
திருப்பலியை தொடர்ந்து அருட்சகோதரிக்கான கௌரவிப்புக்களும் இந்நாளை சிறப்பிக்கும் முகமாக மரநடுகை நிகழ்வும் இடம்பெற்றன.
இந்நிகழ்வில் யாழ்ப்பாணம் மற்றும் மன்னார் மறைமாவட்டங்களை சேர்ந்த குருக்கள், துறவிகள் அருட்சகோதரியின் உறவினர்கள், பங்குமக்கள் பலரும் கலந்து சிறப்பித்தனர்.
