முல்லைத்தீவு மறைக்கோட்டத்தில் பணியாற்றும் குருக்கள், துறவிகளுக்கான கிறிஸ்மஸ் ஒன்றுகூடல் நிகழ்வு கடந்த 19ஆம் திகதி வியாழக்கிழமை புதுக்குடியிருப்பு புனித சூசையப்பர் ஆண்கள் விடுதியில் நடைபெற்றது.
மறைக்கோட்ட முதல்வர் அருட்தந்தை அன்ரனிப்பிள்ளை அவர்களின் தலைமையில் நடைபெற்ற இந்நிகழ்வில் வழிபாட்டும் தொடர்ந்து அமலமரித்தியாகிகள் சபை அருட்தந்தை அன்புராசா அவர்களால் மனித தேடல் என்னும் தலைப்பில் கருத்துரையும் வழங்கப்பட்டதுடன் கரோல் பாடல்கள், விளையாட்டுக்கள் என்பனவும் இடம்பெற்றன.
வன்னி கரித்தாஸ் நிறுவன இயக்குநர் அருட்தந்தை செபஜீவன் அவர்கள் பிரதம விருந்தினராக கலந்து சிறப்பித்த இந்நிகழ்வில் 50 வரையான குருக்கள், துறவிகள் பங்குபற்றியிருந்தனர்.
