மானிப்பாய் புனித அன்னாள் ஆலயத்தில் திருக்குடும்ப அருட்சகோதரிகளால் முன்னெடுக்கப்பட்ட திருக்குடும்ப சபை நிறுவுனர் அருட்தந்தை பீற்றர் பியன்வெனு நோ அய் அவர்களின் 231ஆவது பிறந்த தின நிகழ்வு கடந்த 27ஆம் திகதி ஞாயிற்றுக்கிழமை நடைபெற்றது.
பங்குத்தந்தை அருட்தந்தை றெக்ஸ் சவுந்தரா அவர்களின் தலைமையில் மானிப்பாய் புனித அன்னாள் ஆலயத்தில் நடைபெற்ற திருப்பலியை தொடர்ந்து மானிப்பாய் திருக்குடும்ப கன்னியர் குழுமத்தில் குழும சிறுவர், இளையோர், பொதுநிலை அங்கத்தவர்களுக்கான ஒன்றுகூடல் இடம்பெற்றது.
இந்நிகழ்வில் நல்லபிதா பீற்றர் பியன்வெனு நோ அய் அவர்களின் தூரநோக்கை அடிப்படையாக கொண்டு குடும்பங்களின் வாழ்வாதரத்தை மேம்படுத்தும் செயற்திட்டத்தின்கீழ் வறுமைக்கோட்டிற்குட்பட்ட தெரிவுசெய்யப்பட்ட் 11 குடும்பங்களுக்கு அருட்சகோதரி அமலி கியோமர் அவர்களின் ஒழுங்குபடுத்தலில் கோழிகள் வழங்கிவைக்கப்பட்டன.
