மறைபரப்பு ஞாயிறை முன்னிட்டு செம்பியன்பற்று புனித பிலிப்புநேரியார் ஆலயத்தில் முன்னெடுக்கப்பட்ட சிறப்பு நிகழ்வு கடந்த 20ஆம் திகதி ஞாயிற்றுக்கிழமை நடைபெற்றது.
பங்குத்தந்தை அருட்தந்தை யஸ்ரின் ஆதர் அவர்களின் ஒழுங்குபடுத்தலில் இடம்பெற்ற இந்நிகழ்வில் திருப்பலியும் திருப்பலி நிறைவில் 2023 கா.பொ.த சாதாரணதர பரீட்சையில் சித்தியடைந்த மாணவர்களுக்கான பரிசளிப்பும் தொடர்ந்து ஆலய மறைக்கல்வி மாணவர்கள், மறையாசிரியர்கள், மாதா கூட்டத்தினர், மற்றும் மரியாயின் சேனை அங்கத்தவர்கள் இணைந்து முன்னெடுத்த சந்தை நிகழ்வும் நடைபெற்றன.
அத்துடன் அன்றைய தினம் குடாரப்பு புனித கார்மேல் அன்னை ஆலய மக்களினால் மேற்கொள்ளப்பட்ட கரைவலை கடற்தொழில் வருமானமும் மறைபரப்பு ஞாயிறு தினத்திற்காக வழங்கிவைக்கப்பட்டது.
