உடுவில் – மல்வம் பங்கில் முன்னெடுக்கப்பட்ட வணக்கமாத இறுதிநாள் செபமாலை பவனி பங்குத்தந்தை அருட்தந்தை அருட்செல்வன் அவர்களின் ஒழுங்குபடுத்தலில் கடந்த 31ஆம் திகதி வியாழக்கிழமை நடைபெற்றது.
மல்வம் திருக்குடும்ப ஆலயம், அந்திரான் புனித வேளாங்கன்னி அன்னை ஆலயம், கந்தரோடை புனித றோசா மாதா ஆலயங்களிலிருந்து தனித்தனியாக செபமாலை பவனி ஆரம்பமாகி உடுவில் புனித செபமாலை அன்னை ஆலயத்தை சென்றடைந்து அங்கு நடைபெற்ற திருப்பலியுடன் நிறைவடைந்தது.
திருப்பலியை கிளறேசியன் சபை அருட்தந்தை அருள்ராஜ் அவர்கள் தலைமைதாங்கி ஒப்புக்கொடுத்ததுடன் திருப்பலி நிறைவில் தேசிய ரீதியில் நடைபெற்ற விவிலிய வினாவிடை போட்டியில் சிறந்த பெறுபேறு பெற்ற மாணவர்களுக்கான கௌரவிப்பும் இடம்பெற்றது.
இந்நிகழ்வில் 29 மாணவர்கள் சான்றிதழ்களும் பரிசில்களும் வழங்கி கௌரவிக்கப்பட்டார்கள்.
