தர்மபுரம் பங்கின் விசுவமடு புனித இராயப்பர ஆலய வளாகத்தில் மரியாயின் ஊழியர் சபை அருட்சகோதரிகளின் ஒழுங்குபடுத்தலில் இயங்கிவரும் புனித இராயப்பர் முன்பள்ளியில் பயிலும் மாணவர்களுக்கான ஒரு தொகுதி தளபாடங்கள் வழங்கும் நிகழ்வு 26ஆம் திகதி கடந்த சனிக்கிழமை நடைபெற்றது.
பங்குத்தந்தை அருட்தந்தை நிக்ஸன் கொலின் அவர்களின் ஏற்பாட்டில் மரியாயின் ஊழியர் சபை அருட்சகோதரிகளின் ஒழுங்குபடுத்தலில் நடைபெற்ற இந்நிகழ்வில் சர்வதேச மருத்துவ நல அமைப்பின் இலங்கைக்கான ஒருங்கிணைப்பாளர் வைத்தியர் திரு. கிறிஸ்ணகுமார் அவர்கள் பிரதம விருந்தினராக கலந்து மாணவர்களுக்கான தளபாடங்களை வழங்கி வைத்தார்.
யாழ். மறைமாவட்ட ஆயர் பேரருட்தந்தை யஸ்ரின் ஞானப்பிரகாசம் அவர்களின் வேண்டுகோளிற்கிணங்க வன்னி கரித்தாஸ் கியூடெக் நிறுவனத்தினூடாக இத்தளபாடங்களிற்கான அனுசரணையை சர்வதேச மருத்துவ நல அமைப்பு வழங்கியிருந்தமையும் இங்கு குறிப்பிடத்க்கது.
இந்நிகழ்வில் வன்னி கரித்தாஸ் கியூடெக் நிறுவன இயக்குனர் அருட்தந்தை செபஜீவன் மற்றும் நிறுவன பணியாளர்கள் கலந்து சிறப்பித்தனர்.