யாழ்ப்பாண பல்கலைக்கழக பொன்விழா நிகழ்வுகளின் ஓர் அங்கமாக முன்னெடுக்கப்பட்ட தமிழியல் நூலக திறப்புவிழா கடந்த 29ஆம் திகதி வியாழக்கிழமை நடைபெற்றது.
தமிழியல் சார் ஆய்வுகளை முதன்மைப்படுத்தும் வகையில் அமைக்கப்பட்ட விசேட நூலக பிரிவிற்கான நிதி அனுசரணையை சிங்கப்பூர் கந்தையா கார்த்திகேசன் அறக்கொடை நிதியம் வழங்கியிருந்தது.
தமிழியல் நூலகம் என பெயர்பெறும் இப்பிரிவானது யாழ்ப்பாண பல்கலைக்கழக சமூகத்திற்கும் அப்பால், விரிந்த தளத்தில் பொதுமக்களின் பயன்பாட்டிற்குரியதாகவும் வடிவமைக்கப்பட்டுள்ளதுடன் அன்றைய தினம் நினைவுக்கல்லும் சிங்கப்பூர் கந்தையா கார்த்திகேசனின் உருவப்படமும் திரைநீக்கம் செய்துவைக்கப்பட்டன.
