வன்னி கரித்தாஸ் கியூடெக் நிறுவனத்தின் சமாதானம் மற்றும் சகவாழ்வு நிகழ்ச்சிதிட்டத்தின் கீழ் முன்னெடுக்கப்பட்ட இளையோருக்கான வழிகாட்டல் பயிற்சியும் வாழ்வாதார உதவி வழங்கும் நிகழ்வும் கடந்த 29ஆம் திகதி வியாழக்கிழமை பரந்தன் சிவபுர கிராம பொது மண்டபத்தில் நிறுவன இயக்குநர் அருட்தந்தை செபஜீவன் அவர்களின் ஒழுங்குபடுத்தலில் நடைபெற்றது.
இந்நிகழ்வில் சிவபுரம் கிராம உத்தியோகத்தர் திரு. நந்தகுமார் மற்றும் அருட்தந்தை செபஜீவன் ஆகியோரால் இளையோருக்கான கருத்துரைகள் வழங்கப்பட்டதுடன் தொடர்ந்து முதற்கட்டமாக அக்கிராமத்தில் உருவாக்கப்பட்டுள்ள இளையோர் அமைப்பை சேர்ந்த தெரிவு செய்யப்பட்ட நான்கு இளையோருக்கு சுயதொழிலுக்கான உபகரணங்களும் வழங்கி வைக்கப்பட்டன.
இந்நிகழ்வில் கிராம அமைப்புக்களின் தலைவர்கள், இளையோர்கள், கிராம மக்களென பலரும் கலந்துகொண்டனர்.
