யாழ்ப்பாணம் சிறைச்சாலையில் முன்னெடுக்கப்பட்ட ஒளிவிழா கடந்த 15ஆம் திகதி ஞாயிற்றுக்கிழமை சிறைச்சாலை ஆன்மீக இயக்குநரும் புனித பத்திரிசியார் கல்லூரி அதிபருமான அருட்தந்தை திருமகன் அவர்களின் ஒழுங்குபடுத்தலில் நடைபெற்றது.
இந்நிகழ்வில் குருநகர் பங்குத்தந்தை அருட்தந்தை யாவிஸ் அவர்களின் தலைமையில் திருப்பலியும் தொடர்ந்து திருச்சிலுவை சுகநல நிலைய தாதிய மாணவர்களின் கரோல் கீதங்களுடன் இணைந்த கலைநிகழ்வுகளும் இடம்பெற்றதுடன் அருட்தந்தை திருமகன் அவர்களின் முயற்சியினால் பங்குத்தளங்கள் ஊடாக மக்களிடமிருந்து பெறப்பட்ட அத்தியாவசிய பொருட்கள் பொதிசெய்யப்பட்டு கைதிகளுக்கு வழங்கிவைக்கப்பட்டன.
அருட்தந்தையர்கள், அருட்சகோதரிகள், பொலிஸ் அதிகாரிகள், சிறைச்சாலை அதிகாரிகள் பணியாளர்களென பலரும் கலந்துகொண்டனர்.
